Fljótasta mark mótsins
Robert Lewandowski skoraði í dag.
AFP
Setja bókamerki
Robert Lewandowski, framherji pólska landsliðsins í knattspyrnu, skoraði fljótasta mark mótsins er hann kom Póllandi yfir gegn Portúgal í 8-liða úrslitum Evrópumótsins í kvöld.
Lewandowski var ekki búinn að opna markareikninginn á mótinu fyrir þennan leik en það tók hann aðeins tæplega tvær mínútur að skora eftir góðan undirbúning frá Kamil Grosicki.
Þetta var fljótasta mark mótsins og annað fljótasta markið í sögu Evrópumótsins. Robbie Brady, leikmaður írska landsliðsins, á næst fljótasta markið á Evrópumótinu sem er í gangi núna en hann skoraði úr vítaspyrnu gegn Frökkum í 16-liða úrslitum.
Dimitri Kirichenko á fljótasta markið í sögu EM en það kom á EM 2004. Hann skoraði þá eftir 67 sekúndur.
