Danska kvennaliðið í knattspyrnu er komið í átta liða úrslit á EM í Hollandi eftir 1:0 sigur á því norska í þriðju og síðustu umferðinni í riðlakeppninni. Katrine Veje skoraði sigurmarkið á fimmtu mínútu.
Caroline Hansen, leikmaður Noregs, brenndi af vítaspyrnu á 44. mínútu og þrátt fyrir mikla pressu norska liðsins undir lokin tókst þeim ekki að jafna.
Holland vann riðilinn með níu stig, Danmörk hafnaði í öðru sæti með sex stig, Belgía í þriðja með þrjú stig og Noregur á botninum án stiga.