Berlusconi vill ná fram hefndum gegn Liverpool
Setja bókamerki
Silvio Berlusconi, fjölmiðlamógúllinn, stjórnmálamaðurinn og eigandi ítalska knattspyrnufélagsins AC Milan, vill að sínir menn mæti Liverpool í úrslitaleik Meistaradeildar Evrópu í vor og komi þar með fram hefndum fyrir tapið gegn enska liðinu í úrslitaleik keppninnar í Istanbúl fyrir tveimur árum. Þá missti ítalska félagið niður þriggja marka forskot í síðari hálfleik og tapaði síðan fyrir Liverpool í vítaspyrnukeppni, í einum ótrúlegasta úrslitaleik í sögu keppninnar.
AC Milan mætir Manchester United í undanúrslitunum. „Ég er bjartsýnn eins og alltaf. Manchester er ekki sigurstranglegri aðilinn. Við berum mikla virðingu fyrir liðinu en óttumst það ekki því við erum ekkert síðri. Það gekk allt Manchester í haginn í leiknum við Roma, á meðan allt fór úrskeiðis hjá "Giallorossi". En 7:1 úrslitin skjóta okkur ekki skelk í bringu því Roma vann fyrri leik liðanna. Við eigum líka miklum skyldum að gegna við stuðningsmenn okkar - við viljum mæta Liverpool í úrslitaleik og kvitta fyrir ósigurinn fyrir tveimur árum. Það er okkar draumur og markmið," sagði hinn sjötugi Berlusconi við ítalska íþróttadagblaðið Gazzetta dello Sport í dag.
Búið að fella björninn
Óánægja er með áform um efnistöku
Lögreglan leitar eftir myndefni í tengslum við andlátið
Hætta vegna jarðfalls í sprungur metin töluverð
Tveir í haldi grunaðir um mansal og smygl á fólki
Of margir nemendur og ákall um hæft starfsfólk
Vangaveltur gengu lengra en innistæða var fyrir
Davíð Viðarsson var skyndihugdetta