Íþróttir | Enski boltinn | mbl | 25.4.2007 | 20:36

Cole tryggði Chelsea sigur á Liverpool

Didier Drogba í góðri gæslu hjá Dananum Daniel Agger á Stamford Bridge í kvöld. Reuters

Chelsea lagði Liverpool, 1:0, í fyrri rimmu liðanna í undanúrslitum Meistaradeildarinnar í knattspyrnu á Stamford Bridge í kvöld. Sigurmarkið skoraði Joe Cole á 29. mínútu en Didier Drogba var arkitektinn af því.

Síðari leikur liðanna verður á Anfield á þriðjudag en fyrir tveimur árum sló Liverpool lið Chelsea út í undanúrslitunum með því að vinna 1:0 sigur á heimvelli eftir að þau höfðu gert markalaust jafntefli á Stamford Bridge.