Fundað með Capello í vikunni

Enska dagblaðið Daily Mail staðhæfir í dag að Brian Barwick, stjórnarformaður enska knattspyrnusambandsins, muni funda með Ítalanum Fabio Capello í vikunni til þess að kanna hug hans til að taka að sér starf landsliðsþjálfara Englendinga í knattspyrnu.

Capello þykir vera líklegastur í starfið nú þegar Jose Mourinho er sagður hafa samþykkt að taka að sér evrópskt knattspyrnulið frá og með næsta sumri. Sir Bobby Robson, fyrrverandi landsliðsþjálfari Englendinga, mun hafa verið milligöngumaður á milli enska knattspyrnusambandsins og Mourinho, en sá hinn síðarnefndi var lærisveinn Robson hjá Barcelona fyrir nokkrum árum.  

• 1 blogg um fréttina

Bloggað um fréttina

• Snorri Bergz: Capello tekur niður fyrir sig