Rooney: Sanngjörn gagnrýni

Wayne Rooney leikmaður Manchester United og enska landsliðsins segir að sum af þeirri gagnrýni sem hann fékk fyrir frammistöðu sína í upphafi leiktíðarinnar hafi verið sanngjörn.

Rooney, sem verður í fremstu víglínu Englendinga í leiknum gegn Kazakhstan á laugardaginn, hefur leikið vel að undanförnu og hefur til að mynda skorað í síðustu þremur leikjum Manchester United og þá skoraði hann eitt mark enska landsliðsins í sigrinum magnaða á Króötum í Zagreb, 4:1.

,,Kannski hefur sum af þeirri gagnrýni sem ég fékk verið sanngjörn. Ég er sjálfur gagnrýninn á sjálfan mig og ég horfi alltaf á leikina sem ég spila. Þegar ég spila ekki vel þá verð ég vonsvikinn og reyni að bæta mig,“ sagði Rooney við fréttamenn í gær.

Rooney mun á laugardag spila sinn 47. landsleik en hann er aðeins 22 ára gamall og lék sinn fyrsta landsleik 17 ára gamall, gegn Áströlum árið 2003.

• 1 blogg um fréttina

Bloggað um fréttina

• Gunnar Th. Gunnarsson: Samband Rooney og Ronaldo er gott