Hargreaves ekki meira með í vetur

Owen Hargreaves, enski landsliðsmaðurinn í knattspyrnu leikur ekki meira með Manchester United á þessu keppnistímabili vegna alvarlegra meiðsla í hné en þetta var staðfest í dag.

Hargreaves hefur aðeins leikið þrjá leiki með United á tímabilinu, síðast í september. Hann var sendur í rannsókn hjá einum þekktasta íþróttaskurðlækni heims, Richard Steadman, og niðurstaðan var sú að Hargreaves gengist undir uppskurði á báðum hnjám. Sá fyrri hefur þegar verið framkvæmdur og hinn verður eftir hálfan mánuð.

Hargreaves er 27 ára gamal og kom til United frá Bayern München sumarið 2007.

• 1 blogg um fréttina

Bloggað um fréttina

• Hafsteinn Viðar Ásgeirsson: Blóðtaka.