Berbatov úr leik í tvær vikur enn
Setja bókamerki
Búlgarski knattspyrnumaðurinn Dimitar Berbatov verður frá keppni í tvær vikur til viðbótar vegna ökklameiðsla sem hann varð fyrir í leik Manchester United gegn Fulham fyrir hálfum mánuði síðan.
Hann missir þar með af mikilvægum leik United gegn Aston Villa í úrvalsdeildinni á sunnudaginn og útlit er fyrir að hann verði með í hvorugum leiknum gegn Porto í átta liða úrslitum Meistaradeildar Evrópu. Sömuleiðis eru litlar líkur á að hann spili gegn Sunderland í úrvalsdeildinni um aðra helgi.
Vegna meiðslanna lék Berbatov ekki með Búlgörum gegn Írlandi og Kýpur í undankeppni HM.
Framlína United er nokkuð löskuð fyrir leikinn gegn Aston Villa því Wayne Rooney tekur þá út leikbann, og svo er Carlos Tévez ókominn frá leik með argentínska landsliðinu í Bólivíu í fyrrinótt en þar tók hann þátt í sögulegum tapleik, 1:6, í tæplega 4.000 metra hæð yfir sjávarmáli.
Húsnæðisstuðningur framlengdur til áramóta
„Bíð bara eftir að það fari að gjósa aftur“
Kostnaðurinn nemur allt að þremur milljörðum
14 til 17 milljarða kr. tap vegna skerðinga
Opin fyrir almennri kosningu biskups
„Hann var lokaður inni í bátnum“
Tímaspursmál hvenær framleiðslu verði hætt
Kemur ekki til greina að semja við ESB