Jürgen Klopp sat fyrir svörum á síðasta fréttamannafundi sínum sem knattspyrnustjóri karlaliðs Liverpool í dag.
Fór hann víða yfir og var meðal annars spurður út í uppáhalds augnablikin sín sem stjóri liðsins.
„Besti leikur sem ég hef séð hjá mínu liði var gegn City í ár. Við höfum aldrei stjórnað leik gegn City eins vel, við áttum hann í 60 mínútur. Það voru mínar uppáhalds 60 mínútur,“ sagði Klopp.
Var hann síðan spurður í viðbót:
Uppáhalds leikur? „Barcelona í undanúrslitum Meistaradeildarinnar 2019.“
Uppáhalds mark? „Markið hans Alisson.“
Uppáhalds stoðsending? „Stoðsending Trent Alexander-Arnold.“