Engin eftirspurn eftir Owen-treyjum

Síðan enski framherjinn Michael Owen gekk til liðs við Manchester United í ensku úrvalsdeildinni á föstudag, hefur búðin sem selur treyjur félagsins á Old Trafford, ekki fengið neina pöntun um treyju með nafni Owens.

Þó eflaust hafi það einhver áhrif að leikmanninum hefur enn ekki verið úthlutað númeri innan liðsins, þá segja verslunarstjórar búðarinnar að þeir eigi ekki von á því að margar treyjur seljist með nafni Owens. Skýringin sé bæði sú að margir telji hann ekki nógu góðan til að vera hjá félaginu, og þá að hann sé fyrrum leikmaður Liverpool, sem er erkiandstæðingur Manchester United.

„Við eigum ekki von á mikilli eftirspurn, ekki einu sinni þegar við vitum hvaða númer hann fær. En eins og staðan er nú, hefur enginn einu sinni spurt um það,“ sagði starfsmaður Old Trafford verslunarinnar.

• 2 blogg um fréttina

Bloggað um fréttina

• Hilmar Dúi Björgvinsson: hahahahahahahahahahahahaha
• Högni Jóhann Sigurjónsson: Gjafavara