Nasri og Fabianski byrja hjá Arsenal

Samir Nasri og markvörðurinn Lukasz Fabianski leika sinn fyrsta leik með Arsenal á leiktíðinni í kvöld þegar liðið tekur á móti Liverpool í stórleik 16-liða úrslitanna í ensku deildabikarkeppninni.

Franski miðjumaðurinn Samir Nasri hefur jafnað sig eftir fótbrot og pólski markvörðurinn Fabianski er orðinn heill heilsu en hann hefur verið frá keppni vegna meiðsla í hné.

Arsene Wenger knattspyrnustjóri Arsenal teflir fram blönduðu liði þar sem yngri leikmenn félagsins fá tækifæri í bland við leikmenn á borð við Mikael Silvestre, Phillipe Senderos, Eduardo og Nicklas Bendtner.

• 1 blogg um fréttina

Bloggað um fréttina

• Þorsteinn Jónas Skjóldal Haraldsson: Next up Benni wonder and the stubbs