Diaby gerir nýjan samning við Arsenal

Abou Diaby fagnar marki með Arsenal. Reuters

Franski miðjumaðurinn Abou Diaby hefur skrifað undir nýjan langtímasamning við enska úrvalsdeildarliðið Arsenal. Þessi 23 ára gamli leikmaður kom til Arsenal frá franska liðinu Auxerre í janúar 2006. Hann varð fyrir því óláni að ökklabrotna í lok þess tímabils en hefur leikið 119 leiki með Lundúnaliðinu frá því hann kom til þess.

Diaby hefur fallið vel inn í leikstíl Arsenal og hefur átt góðu gengi að fagna með liðinu á tímabilinu en hann hefur náð að skora sex mörk fyrir félagið á tímabilinu.