Eiður með of há laun fyrir Rangers

Skotlandsmeistarar Rangers eru hættir við að reyna að fá landsliðsmanninn Eið Smára Guðjohnsen að láni samkvæmt fréttum í skoskum fjölmiðlum í dag, en um helgina kom fram að samningaviðræður stæðu yfir á milli Mónakó og Rangers.

Í Sunday Post staðfestir knattspynustjóri Rangers, Walter Smith, að launakröfur Eiðs Smára séu of miklar. Þær eru sagðar nema 40.000 pundum á viku, sem samsvarar rúmri milljón króna á dag.

„Við getum ekki staðið undir þeim launum sem hann fær, svo hann kemur ekki til Ibrox,“ sagði Smith við blaðið.

Eiður Smári er því áfram leikmaður Mónakó í Frakklandi. Hann verður í eldlínunni með íslenska landsliðinu á miðvikudaginn þegar það mætir Liechtenstein á Laugardalsvelli.

• 1 blogg um fréttina

Bloggað um fréttina

• Gaman Ferðir: Eiður Smári til Blackburn?