Chicharito bjargaði stigi fyrir Man. Utd
Setja bókamerki
Liverpool og Manchester United skildu jöfn í stórleik dagsins í ensku úrvalsdeildinni, 1:1. Steven Gerrard kom Liverpool yfir með marki úr aukaspyrnu en varamaðurinn Chicharito jafnaði metin tíu mínútum fyrir leikslok.
United er nú með 20 stig á toppi deildarinnar en Liverpool er í 5. sæti með 14 stig.
Fylgst var með gangi mála hér á mbl.is.
90. mín. Jordan Henderson átti skalla rétt yfir mark United á 2. mínútu uppbótartíma.
90. mín. Jordan Henderson átti frábæra tilraun þegar hann reyndi bogaskot rétt utan vítateigs en De Gea náði að verja naumlega. Liverpool fékk hornspyrnu og í kjölfarið gerðu heimamenn harða hríð að marki United án árangurs.
82. mín. Nú eru læti! Dirk Kuyt var nálægt því að koma Liverpool yfir á ný en De Gea varði vel frá honum af stuttu færi.
81. mín. MARK! Eftir hornspyrnu frá vinstri skallaði Danny Welbeck boltann áfram á Chicharito sem skoraði eftir að hafa verið inná í fimm mínútur.
79. mín. United-menn vildu vítaspyrnu þegar boltinn fór í handlegg Enrique en líkt og í hinum vítateignum fyrr í leiknum dæmdi dómarinn ekkert.
76. mín. Chicharito var að koma inná í stað Phil Jones. Þriðja og síðasta skipting Man. Utd.
68. mín. Wayne Rooney og Nani komu inná í stað Ashley Young og Ji-Sung Park.
68. mín. MARK! Charlie Adam krækti í heldur ódýra aukaspyrnu rétt utan vítateigsins eftir laglegan sprett. Steven Gerrard tók spyrnuna og skaut í gegnum varnarvegg United í hægra markhornið.
63. mín. Heimamenn eru líklegri til að skora, ekki síst fyrir tilstuðlan Luis Suárez sem átti rétt í þessu skot sem fór af varnarmanni rétt framhjá.
57. mín. Jordan Henderson kom inná í stað Lucas. Fyrsta skipting leiksins.
51. mín. Liverpool-menn vildu fá vítaspyrnu þegar Dirk Kuyt skallaði boltann í handlegg Jonny Evans af stuttu færi eftir hornspyrnu. Dómarinn var vel staðsettur og kaus að dæma ekkert.
46. mín. Seinni hálfleikur er hafinn og liðin eru óbreytt frá því í þeim fyrri.
45. mín. Hálfleikur. Það vantaði talsvert upp á fjörið í fyrri hálfleik og þar hefur varnarsinnuð uppstilling Manchester United haft sitt að segja. Liðin hafa vart skapað sér færi. Á varamannabekkjunum bíða menn eins og Wayne Rooney, Chicharito, Nani og Andy Carroll sem gætu átt eftir að láta til sín taka í seinni hálfleiknum.
34. mín. Charlie Adam átti skot í varnarmann og boltinn hrökk til Luis Suárez sem lék laglega á Jonny Evans utarlega í teignum en átti svo skot beint á De Gea í marki United.
16. mín. Phil Jones, sem leikur á miðjunni í dag, fékk fyrsta færi leiksins þegar hann skallaði í hliðarnetið eftir fyrirgjöf frá Patrice Evra. Leikurinn hefur annars farið rólega af stað og mikið verið um misheppnaðar sendingar.
Liverpool: Reina, Kelly, Carragher, Skrtel, Jose Enrique, Kuyt, Lucas, Adam, Downing, Gerrard, Suarez.
Varamenn: Doni, Agger, Carroll, Henderson, Spearing, Bellamy, Robinson.
Man Utd: De Gea, Smalling, Ferdinand, Evans, Evra, Young, Jones, Fletcher, Park, Giggs, Welbeck.
Varamenn: Lindegaard, Anderson, Rooney, Hernandez, Carrick, Nani, Valencia.
Aukið viðbragð í Hafnarfirði eftir árásir
„Erum að eltast við alla möguleika“
Samningar ógagnsæir: Neytendur verða að skilja þá
Her Taívans bregst við heræfingum Kínverja
„Mitt hlutverk að sjá til þess að svo geti verið“
Halla Tómasdóttir þykir hafa staðið sig best
Sýn mun skila inn umsögn um frumvarpið