Saha yfirgefur Tottenham

Franski sóknarmaðurinn Louis Saha er einn sex leikmanna sem Tottenham hefur ákveðið að losa sig við í sumar.

Saha kom til Tottenham án greiðslu frá Tottenham í félagaskiptaglugganum í janúar á þessu ári. Hann kom við sögu í níu leikjum Lundúnaliðsins í ensku úrvalsdeildinni og skoraði í þeim þrjú mörk.

Saha, sem er 33 ára gamall, lék með Everton frá 2008-2012 en var þar á undan í herbúðum Manchester United frá 2004-2008 og með Fulham lék hann frá 2000-2004.

Auk Saha kveðja þeir Ben Alnwick, Oscar Jansson, Kudus Oyenuga, Mirko Ranieri og Jesse Waller Lassen lið Tottenham að því er fram kemur á vef félagsins.

• 1 blogg um fréttina

Bloggað um fréttina

• Jóhannes Ragnarsson: Saha á leið til Víkings Ólafsvík