Aron Einar lagði upp mark í sigri
Setja bókamerki
Aron Einar Gunnarsson og Heiðar Helguson fögnuðu sigri í Íslendingaslagnum þegar Wolves og Cardiff mættust í ensku B-deildinni í dag. Cardiff vann 2:1 sigur með mörkum frá Fraizer Campbell sem kom til félagsins í janúar frá Sunderland.
Bakary Sako minnkaði muninn fyrir Wolves 20 mínútum fyrir leikslok.
Aron Einar lék allan leikinn og átti sinn þátt í fyrra marki Campbell því það kom eftir langt innkast Akureyringsins. Heiðar Helguson kom inná sem varamaður fyrir Campbell á 82. mínútu.
Björn Bergmann Sigurðarson lék allan leikinn fyrir Úlfana en Eggert Gunnþór Jónsson var ekki í leikmannahópnum.
Cardiff er nú með átta stiga forskot á næstu lið á toppi deildarinnar, og með leik til góða, þegar 12 umferðir eru eftir. Úlfarnir eru hins vegar í fallsæti, tveimur stigum frá botninum og tveimur stigum á eftir næsta liði.
Veita fyrirtækjum brú yfir óvissutímabil
Segir forseta þingsins segja ósatt frá fundinum
Kemur ekki til greina að semja við ESB
Braut gegn konum í Eyjum
„Hann var lokaður inni í bátnum“