Arsenal endurheimti fjórða sætið

Olivier Giroud í góðu færi upp við mark West Ham …
Olivier Giroud í góðu færi upp við mark West Ham á Emirates í kvöld. AFP

Arsenal endurheimti fjórða sætið í ensku úrvalsdeildinni í knattspyrnu í kvöld með 3:1 sigri gegn West Ham á Emirates Stadium.

West Ham náði forystunni í leiknum þegar Matt Jarvis skoraði með skalla af stuttu færi á 40. mínútu en Lukas Podolski jafnaði metin fjórum mínútum síðar.

Í síðari hálfleik bættu Oliver Giroud og Podolski við tveimur mörkum fyrir Arsenal sem vann sanngjarnan sigur.

Arsenal er með 67 stig í fjórða sætinu en Everton hefur 66 og á leik til góða.

mbl.is
Fleira áhugavert
Fleira áhugavert