Velski knattspyrnumaðurinn Ryan Giggs er ekki á óskalista forráðamanna Manchester United um að stýra liðinu á næstu leiktíð, þó hann verði við stjórnvölinn út yfirstandandi leiktíð. Þetta er skoðun sérfræðinga breska ríkisútvarpsins BBC.

Forráðamenn United telja að félagið þurfi reynslumikinn knattspyrnustjóra til að rétta skútuna af á ný hjá félaginu og kom liðinu aftur í röð þeirra bestu. 

Meðal þeirra sem hafa tjáð sig á vef BBC um stjóramál United eru Gary Lineker og Robbie Savage. 

„Ryan gæti orðið frábær knattspyrnustjóri í framtíðinni. En til að United rétti úr kútnum á ný þarf knattspyrnustjóra sem er refur og getur lokkað til sín sterka leikmenn í sumar. Það yrði hins vegar sterkur leikur að gera Ryan að aðstoðarmanni nýs knattspyrnustjóra í sumar. Hann er með rautt Manchester United blóð í æðum og því sterkt að halda honum innan félagsins með einhverjum hætti,“ segir Robbie Savage meðal annars.

Tengdar fréttir

Man.Utd rekur Moyes

Segir Giggs geta fetað sömu leið og Guardiola

• United og Moyes hafa náð samkomulagi
• „Synd að Moyes hafi verið rekinn“
• „Moyes hefði átt að fá lengri tíma“
• „Aldrei verið eins stoltur“

» Fleiri tengdar fréttir

• Blogga um frétt