Adam Lallana leikmaður Liverpool er ekki búinn að gefa upp vonina um að ná Manchester United og enda í fjórða sæti ensku úrvalsdeildinni sem gefur farseðil í Meistaradeildina.
Þegar þrjár umferðir eru eftir af deildarkeppninni er United fjórum stigum á undan Liverpool en United hefur tapað þremur leikjum í röð.
„Þetta er ekki búið. Við getum enn endað tímabilið í topp fjórum. Til þess þurfum við auðvitað að fá fullt hús stiga í leikjunum sem við eigum eftir. Ég er sannfærður um að Manchester United á eftir að tapa flekri stigum því liðið á erfiða leiki eftir,“ segir Lallana við Sky Sports.
Liverpool á eftir að spila við Chelsea, Crystal Palace og Stoke en Manchester United á eftir að spila við Crystal Palace, Arsenal og Hull.