Samningur David de Gea lak á netið
Setja bókamerki
David de Gea, markvörður Manchester United hefði þénað 66,7 milljónir evra, um það bil 10 milljarða króna, hefðu félagaskipti hans frá Manchester United til Real Madrid gengið í gegn síðasta sumar samkvæmt skjali sem vefsíðan Football Leaks birtir í dag.
Félagaskipti spænska landsliðsmarkvarðarins voru nálægt því að vera staðfest, en strönduðu á því að nauðsynleg skjöl bárust ekki spænska knattspyrnusambandinu í tæka tíð fyrir lokun félagaskiptagluggans.
Skjalið sýnir að til stóð að De Gea myndi skrifa undir sex ára samning við Real Madrid og hefði á samningstímanum þénað 9 milljónir evra í árslaun auk 8,4 milljón evra greiðslu við félagaskiptin.
Real Madrid og Manchester United neituðu að tjá sig um innihald skjalsins þegar Skysports leitaði eftir því í dag.
De Gea er þó ekki á flæðiskeri staddur þar sem hann skrifaði undir fjögurra ára samning við Manchester United sem skilar honum 200.000 evrum eða tæpum 30 milljónum króna í vikulaun.
Mikill útflutningur frá Vestfjörðum
Hætta vegna jarðfalls í sprungur metin töluverð
Birtu ekki dóm yfir fyrrverandi forseta bæjarstjórnar
Tveir í haldi grunaðir um mansal og smygl á fólki
Óánægja er með áform um efnistöku
Of margir nemendur og ákall um hæft starfsfólk
Eina leiðin var að fella björninn
Vangaveltur gengu lengra en innistæða var fyrir