Leicester á líka heimsmeistara

Enska borgin Leicester fagnaði ekki bara enska meistaratitlinum í knattspyrnu í kvöld - heldur eignaðist hún líka heimsmeistara.

Mark Selby frá Leicester sigraði í kvöld Ding Junhui frá  Kína í úrslitaleiknum á heimsmeistaramótinu í snóker sem lauk í Crucible-leikhúsinu í Sheffield í kvöld.

Selby varð þar með heimsmeistari í annað sinn á þremur árum en hann vann úrslitaleikinn 18:14.

Hann er mikill stuðningsmaður Leicester City og fagnaði í kvöld með fána félagsins.

• Blogga um frétt