Geir í eftirliti á Anfield

Geir Þorsteinsson, formaður Knattspyrnusambands Íslands, verður eftirlitsmaður UEFA á leik Liverpool og Villarreal í undanúrslitum Evrópudeildar UEFA sem fram fer á Anfield í Liverpool í kvöld.

Villarreal vann fyrri leikinn á Spáni, 1:0, og stendur því vel að vígi, rétt eins og handhafar Evrópubikarsins, Sevilla, sem gerði 2:2 jafntefli gegn Shakhtar Donetsk í Úkraínu í hinum undanúrslitaleiknum.

Geir birti fyrir stundu eftirfarandi götumynd frá Liverpool á Twitter af dáðustu sonum borgarinnar:

Bítlarnir á göngu á leikdegi pic.twitter.com/FOhm47tPMW

— Geir Thorsteinsson (@FootballGeir) May 5, 2016

• Blogga um frétt