Eins og fram hefur komið hér á mbl.is var leik Manchester United og Bournemouth aflýst í lokaumferð ensku úrvalsdeildarinnar í knattspyrnu, eftir að grunsamlegur pakki fannst á Old Trafford.
Sjá: Aflýst á Old Trafford - völlurinn rýmdur
Nokkrir hlutar stúkunnar voru rýmdir, en nokkur fjöldi Íslendinga voru á vellinum og meðal annars leik- og söngkonan Selma Björnsdóttir. Hún segir í samtali við Rúv að rýmingin hafi gengið hratt og vel.
„Liðin voru bara að hita upp þegar allt í einu var kallað „code red, code red.“ Síðan var völlurinn bara rýmdur,“ segir Selma.
Tveimur stórum svæðum á vellinum var strax lokað og fólk látið yfirgefa þau, Stretford End og Alex Ferguson Stand, en áhorfendur annars staðar voru látnir sitja í sætum sínum og bíða frekari fyrirmæla. Sprengjufræðingar eru mættir á svæðið.