Rooney er ekki miðjumaður

Wayne Rooney freistar þess að komast framhjá Gylfa Þór Sigurðssyni ...
Wayne Rooney freistar þess að komast framhjá Gylfa Þór Sigurðssyni á EM í Frakklandi. AFP

José Mourinho, knattspyrnustjóri Manchester United, fór um víðan völl þegar hann svaraði spurningum blaðamanna í dag. Meðal þess sem fram kom á fundinum var að hann teldi það ekki henta Wayne Rooney best að spila inni á miðri miðjunni. 

„Rooney hefur náttúrulega hæfileika til þess að skora mörk og þá hæfileika finnur þú ekki á hverju strjái. Fyrir mér ætti hann ekki að spila 50 metrum frá markinu inni á miðri miðjunni. Hans hlutverk hjá mér verður í stöðu framherja eða fyrir aftan framherjann,“ sagði Mourinho um Rooney á blaðamannafundinum í dag. 

mbl.is