Sergio Agüero, framherji Manchester City, var í dag úrskurðaður í fjögurra leikja bann af aganefnd enska knattspyrnusambandsins og spilar því ekki með City aftur fyrr en í fyrsta lagi á gamlársdag.
Agüero var rekinn af velli í annað sinn á þessu tímabili þegar hann braut gróflega á David Luiz, varnarmanni Chelsea, á lokasekúndunum í viðureign liðanna í úrvalsdeildinni á laugardaginn en Chelsea vann leikinn á Etihad-leikvanginum, 3:1.
Argentínumaðurinn missir af leikjum City gegn Leicester, Watford, Arsenal og Hull.
Fernandinho, samherji hans, fékk þriggja leikja bann fyrir að fyrir að taka Cesc Fabregas hálstaki í kjölfarið á broti Agüero og hrinda honum yfir auglýsingaskilti.