Gylfi Þór Sigurðsson er hreint með ótrúlega tölfræði fyrir Swansea í ensku úrvalsdeildinni í knattspyrnu, en hann var enn á ný í aðalhlutverki í dag.
Gylfi skoraði eitt og lagði upp annað í 3:0 sigri Swansea á Sunderland. Hann hefur nú skorað fjögur mörk og lagt upp fjögur mörk í síðustu átta leikjum liðsins.
Og ekki nóg með það, heldur er tölfræðin enn betri þegar litið er á mörk Swansea síðan Gylfi gekk endanlega í raðir liðsins sumarið 2014. Hann hefur átt þátt í 37,4% af þeim 107 mörkum sem liðið hefur skorað síðan þá.
Gylfi Þór hefur skorað 23 mörk og lagt upp önnur 17 af þessum 107 mörkum. Hreint mögnuð tölfræði hjá okkar manni.