Watford mun þurfa að finna sér nýjan knattspyrnustjóra fyrir næsta tímabil í ensku úrvalsdeildinni, en Walter Mazzarri mun yfirgefa félagið eftir síðasta leikinn á yfirstandandi tímabili á sunnudag.
Í yfirlýsingu frá Watford segir að Mazzarri mun yfirgefa liðið í sumar eftir að hafa rætt við stjórnina um framtíðaráætlanir og markmið liðsins. Síðasti leikurinn undir hans stjórn verður gegn Manchester City á heimavelli á sunnudag.
Hinn 55 ára gamli Mazzarri hefur aðeins stýrt Watford í eitt ár en liðið situr í 16. sæti ensku úrvalsdeildarinnar fyrir lokaumferðina.
Hinn ítalski Mazzarri er reynslumikill þjálfari sem hefur þjálfað lið á borð við Inter, Napoli og Sampdoria. Síðast var hann við stjórnvölinn hjá Inter tímabilið 2013-14 en var rekinn í nóvember 2014. Hann stýrði liði Inter í Evrópuleikjunum á móti Stjörnunni.