Enska knattspyrnufélagið Manchester City tilkynnti rétt í þessu að það hefði gengið frá kaupum á franska knattspyrnumanninum Benjamin Mendy frá Mónakó en samkvæmt fjölmiðlum greiðir City 52 milljónir punda fyrir þennan efnilega leikmann.
Mendy er 23 ára gamall vinstri bakvörður sem varð meistari með Mónakó síðasta vetur en lék áður með Marseille og Le Havre. Hann hefur leikið 4 landsleiki fyrir Frakkland og hafði áður spilað með öllum yngri landsliðum þjóðar sinnar.
Þar með hefur Manchester City keypt fimm leikmenn í sumar fyrir samtals rúmlega 200 milljónir punda. Mendy er þriðji dýrasti leikmaðurinn í sumar á eftir Romelu Lukaku og Álvaro Morata. Þetta eru þeir dýrustu til þessa:
10.7. Romelu Lukaku, Everton - Manch.Utd, 75 milljónir punda
21.7. Álvaro Morata, Real Madrid - Chelsea, 60 milljónir punda
24.7. Benjamin Mendy, Mónakó - Man. City, 52 miljónir punda
5.7. Alexandre Lacazette, Lyon - Arsenal, 46,5 milljónir punda
14.7. Kyle Walker, Tottenham - Man. City, 45 milljónir punda
26.5. Bernardo Silva, Mónakó - Man.City, 43,6 milljónir punda
15.7. Tiémoué Bakayoko, Mónakó - Chelsea, 39,7 milljónir punda
22.6. Mohamed Salah, Roma - Liverpool, 36,9 milljónir punda
8.6. Ederson, Benfica - Manch.City, 34,9 milljónir punda
14.6. Victor Lindelöf, Benfica - Manch.Utd, 31 milljón punda
9.7. Antonio Rüdiger, Roma - Chelsea, 29 milljónir punda
23.7. Danilo, Real Madrid - Man. City, 26,5 milljónir punda
Mendy joins City on a five-year contract and will wear the number 22 shirt.
— City Watch (@City_Watch) July 24, 2017
Welcome to Manchester, @benmendy23! [📸: @ManCity] pic.twitter.com/MP3SB41iU0