Manchester United vann miklvægan sigur á WBA á útivelli í fyrri leik dagsins í ensku úrvalsdeildinni þar sem lokatölur urðu 2:1. Forskot Manchester City á toppi deildarinnar er því aftur komið niður í 11 stig.
United komst í 1:0 á 27. mínútu er Romelu Lukaku skallaði knöttinn í netið eftir sendingu frá Marcus Rashford. Jesse Lingard kom Manchester í 2:0 á 35. mínútu eftir að skot hans fór í varnarmann og inn.
Gareth Barry minnkaði muninn fyrir West Bromwich á 77. mínútu og sótti heimamenn talsvert á gestina frá Manchester sem áfram voru skeinuhættir fram á við. Lokatölur urðu hins vegar 2:1. Manchester United hefur nú unnið sex leiki af síðustu sjö í deildinni.
Manchester United hefur 41 stig í 2. sætinu. City hefur 52 stig í 1. sæti. West Bromwich hefur 14 stig í 19. og næstneðsta sæti.