Ein besta frammistaða Ronaldos síðan ég kom

Ralf Rangnick, bráðabirgðastjóri Manchester United, var hæstánægður með 2:0-sigurinn á Brighton & Hove Albion í ensku úrvalsdeildinni í knattspyrnu karla í kvöld og ekki síður með frammistöðu Cristianos Ronaldos sem skoraði loks eftir markaþurrð að undanförnu.

Ronaldo var ekki búinn að skora í sex leikjum í röð, sem var hans lengst markaþurrð í meira en áratug, þegar hann komst á blað snemma í síðari hálfleik í kvöld með frábæru skoti.

Frétt af mbl.is

Tilþrifin: Glæsimark Ronaldos

„Það var mjög mikilvægt, ekki bara að hann skoraði heldur var þetta einnig magnað mark.

Þetta var mikilvægt fyrir okkur alla en frammistaða hans heilt yfir var ein af hans bestu frá því að ég kom hingað,“ sagði Rangnick í samtali við BBC Sport eftir leik í kvöld.

• 1 blogg um fréttina

Bloggað um fréttina

• Helga Kristjánsdóttir: Eru þeir núna orðnir 6?