Markaskorari Manchester City John Stones var til viðtals í Vellinum á Símanum Sport eftir jafntefli City og Liverpool, 1:1, í ensku úrvalsdeildinni í fótbolta á Anfield í Liverpool í dag.
Stones kom City yfir í fyrri hálfleik en Alexis Mac Allister jafnaði metin í þeim síðari og þar við sat.
Nokkur skakkaföll voru í liði Liverpool en þegar Gylfi Einarsson spurði John Stones hvort eitthvað hafi komið honum á óvart sagði Englendingurinn:
„Liverpool kemur mér aldrei á óvart. Við vitum að Liverpool er með góða liðsheild en einnig nokkur meiðsli.“
Viðtalið í heild sinni má sjá í spilaranum hér að ofan en mbl.is færir ykkur efni úr enska boltanum í samvinnu við Símann Sport.