Chelsea Englandsmeistari á markatölu

Chelsea er Englandsmeistari kvenna í fótbolta tímabilið 2023/24 eftir 6:0 stórsigur á Manchester United í dag.

Chelsea endaði með 55 stig, jafn mörg og Manchester City en með betri markatölu, 53 gegn 46 sem City er með. City vann lokaleik liðsins, 2:1 gegn Aston Villa en það dugði ekki til.

Fran Kirby kom inn á á 72. mínútu og skoraði sjötta mark Chelsea en þetta var hennar síðasti leikur með liðinu. Emma Hayes, knattspyrnustjóri liðsins kveður einnig eftir 12 ár hjá liðinu.

Frétt af mbl.is

Hættir með Englandsmeistarana og tekur við Bandaríkjunum

Frétt af mbl.is

Yfirgefur Chelsea eftir tímabilið

Þetta er fimmta árið í röð sem Chelsea vinnur titilinn.

Fran Kirby að fagna markinu hennar í dag. AFP/Darren Staples

Dagný komin aftur í hóp

Dagný Brynjarsdóttir, fyrrum fyrirliði West Ham, mætti aftur í leikmannahóp liðsins eftir árs fjarveru en kom þó ekki inn á. Hún eignaðist sitt annað barn í febrúar á þessu ári.

West Ham tapaði leiknum 3:1 fyrir Tottenham og endaði í 11. sæti.

• Blogga um frétt