Litlu munaði á Finnunum

Räikkönen gefur skýrslu um aksturinn í Valencia.
Räikkönen gefur skýrslu um aksturinn í Valencia. ap

Kimi Räikkönen á Ferrari lauk bílprófunum í vikunni með því að setja hraðasta hring dagsins í Valencia á Spáni í dag. Var hann þó aðeins 17 þúsundustu úr sekúndu fljótari en landi hans Heikki Kovalainen hjá McLaren.

Árangur Kazuki Nakajima, sem setti fjórða besta tímann, undirstrikar styrk hins nýja Williamsbíls. Var þetta fyrsti dagur hans í bílnum og sló hann m.a. Lewis Hamilton á McLaren við.

Miðað við árangur Roberts Kubica virðist BMW-bíllinn að taka við sér en liðsfélagi hans Nick Heidfeld ók í dag umbreyttum bíl frá í fyrra. Giancarlo Fisichella gladdi liðsmenn sína hjá Force India (Mætti Indlands) með tíunda besta tímanum af 17.

Mark Webber varð að hætta akstri er í ljós kom sprunga í undirvagni RB4-bíls Red Bull. Var hún þess eðlis að ekki var unnt að gera við hana. Fram að því sagði Webber að bíllinn hafi verið mun betri en í gær en skipt var í morgun um hluta yfirbyggingarinnar kringum stjórnklefann.

Jenson Button tók við akstri nýju Hondunnar af Rubens Barrichello og ók 76 hringi en var neðarlega á blaði.

Niðurstaða æfingarinnar í dag varð annars sem hér segir:

Röð Ökuþór Bíll Tími Hri.
1. Räikkönen Ferrari 1:11.189 88*
2. Kovalainen McLaren 1:11.206 89*
3. Massa Ferrari 1:11.831 96*
4. Nakajima Williams 1:11.971 107*
5. Hamilton McLaren 1:11.994 84*
6. Kubica BMW 1:12.095 78*
7. Vettel Toro Rosso 1:12.109 95
8. Heidfeld BMW 1:12.526 105
9. Glock Toyota 1:12.600 39*
10. Fisichella Force India 1:12.705 62
11. Piquet Renault 1:12.949 93*
12. Bourdais Toro Rosso 1:12.973 89
13. Webber Red Bull 1:13.060 91*
14. Trulli Toyota 1:13.133 15*
15. Hulkenberg Williams 1:13.306 74
16. Button Honda 1:13.689 76*
17. Kogure Honda 1:15.703 25
*2008 bíll
Kubica á ferð í Valencia í dag. Nýstárlegir vængir rísa …
Kubica á ferð í Valencia í dag. Nýstárlegir vængir rísa upp af trjónunni. ap
mbl.is

Bloggað um fréttina

Fleira áhugavert
Fleira áhugavert