Íþróttir | Formúla 1 | mbl | 26.6.2008 | 18:27 | Uppfært 18:42

Hamilton frástur á lokadegi

Söngkonan Nicole Scherzinger fylgdi Hamilton til afmæliskvöldverðar Nelson Mandela í London í gær. reuters

Lewis Hamilton hjá McLaren setti hraðasta hring dagsins í Sivlerstonebrautinni í dag. Með því lauk þriggja daga æfingalotu formúluliðanna, en breski kappaksturinn fer fram í brautinni eftir rúma viku.

Hamilton mætti til leiks í dag og tók við silfurör McLaren af félaga sínum Heikki Kovalainen, sem ók hraðast í gær. Setti Hamilton besta brautartíma vikunnar og var sex tíundu úr sekúndu fljótari með hringinn en næsti maður, Timo Glock hjá Toyota.

Glock ók á bíl David Coulthard hjá Red Bull í lok svonefnds flugskýlisvegs.

Rok olli liðunum nokkrum vandræðum. Einungis Hamilton og Glock óku hringinn á innan við 80 sekúndum. Þriðja besta tímann setti Kimi Räikkönen á Ferrari.

Hjá Renault tók Fernando Alonso við af Nelsinho Piquet og setti hann fjórða besta tímann er hann batt enda á undirbúning franska liðsins fyrir breska kappaksturinn.

Niðurstaða akstursins varð sem hér segir:

Röð	Ökuþór	Bíll	Tími	Hri.
1.	Hamilton	McLaren	1:19.170	88
2.	Glock	Toyota	1:19.815	79
3.	Räikkönen	Ferrari	1:20.321	60
4.	Alonso	Renault	1:20.862	78
5.	Heidfeld	BMW	1:21.011	93
6.	Nakajima	Williams	1:21.059	70
7.	Sutil	Force	1:21.331	71
8.	Barrichello	Honda	1:21.344	94
9.	Bourdais	Toro Rosso	1:21.432	76
10.	Coulthard	Red Bull	1:22.232	31