Robert Kubica hefur verið útskrifaður af Santa Corona spítalanum í borginni Pietra Ligune á Ítalíu eftir 11 vikna meðhöndlun í framhaldi af alvarlegu slysi í ralli.

Talsmaður sjúkrahússins segir að Kubica sé við góða heilsu og  muni brátt hefja nýja endurhæfingarþjálfun utan spítalans, sem læknar spítalans munu hafa eftirlit með.

Kubica hlaut mörg beinbrot í rallslysinu og alvarlega skaða á hægri hendi en ekki vantað i mikuð upp á að hún færi af er vegrið úr stáli fór í gegnum bílinn í rallslysinu á Ítalíu í byrjun febrúar.

Hann ætlar að hvílast nokkra daga á heimili sínu í Mónakó áður en hann snýr aftur til Ítalíu til endurhæfingar.

Yfirlæknir endurhæfingarstöðvarinnar áætlar að hægt verði að segja til um það í ágústmánuði hvort og þá hvenær Kubica nái bata til að snúa aftur til keppni í formúlu-1 með Renault.

Rúma klukkustund tók að ná Kubica út úr brakinu áður en hægt var að flytja hann undir læknishendur. reutes

Björgunarmenn bera Kubica frá bílbrakinu til sjúkraþyrlu á slysstað. reuters

Tengdar fréttir

Formúla-1/Renault

Renault út - Alpine inn

• Renault verður Alpine
• Ricciardo til McLaren
• Gleðin minni eftir brottför Ricciardo
• Hülkenberg ekki lengur með Renault

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: ÚTSÉÐ MEÐ ÞESSA FORMÚLUVERTÍÐ FYRIR HANN.................