Webber fljótastur á lokaæfingunni
Setja bókamerki
Mark Webber hjá Red Bull, maðurinn sem keppir á morgun hinsta sinni í formúlu-1, ók hraðast á lokaæfingunni fyrir tímatökuna í Sao Paulo í Brasilíu. Í næstu sætum urðu Lotusfélagarnir Romain Grosjean og Heikki Kovalainen.
Eins og í gær var rigning alla æfinguna, og jafnvel meiri en í gær. Létu ökumenn margir nokkra hringi duga. Webber var að lokum 0,304 sekúndum hraðskreiðari en Grosjean sem var svo 0,4 sekúndum á undan Kovalainen.
Finnskur ökumaður varð einnig í fjórða sæti, Valtteri Bottas hjá Williams, sem var 91 þúsundasta úr sekúndu frá tíma landa síns.
Fyrsta tuginn fylltu svo Nico Hülkenberg hjá Sauber, Jean-Eric Vergne hjá Toro Rosso, Esteban Gutierrez hjá Sauber, Pastor Maldonado hjá Williams og Force India ökumennirnir Paul di Resta og Adrian Sutil.
Ökumenn Mercedes, sem voru í fremstu röð í gær - Nico Rosberg reyndar fljótastur á báðum æfingum - voru aftarlega. Lewis Hamilton í ellefta sæti og Rosberg hirti ekki um að aka tímahring vegna aðstæðna. Það gerðu heldur ekki Ferrarimennirnir Fernando Alonso og Felipe Massa né Jenson Button hjá McLaren.
Þá setti Sebastian Vettel hjá Red Bull aðeins 17. besta tíma, var heilum fjórum sekúndum lengur með hringinn en Webber.
Þyngri refsing fyrir að nauðga stjúpdóttur æskuvinar
Krefjast stöðvunar framkvæmda
Gígbarmurinn hækkað frá því í gær
Telur forsendur fyrir vaxtalækkun
Strand skemmtiferðaskips kallar á erlenda aðstoð
Væri að ljúga ef ég segðist ekki stressaður
Breytingar á skipulagi fréttadeildar RÚV
„Höfum ekki náð að skríða upp úr þeirri gryfju“