Michael Schumacher höfuðkúpubrotnaði er hann féll á skíðum í Meribel í frönsku Ölpunum en þar á hann fjallakofa. Franskir fjölmiðlar segja áverka hans alvarlega.

Forstöðukona skíðamiðstöðvarinnar í Meribel segir að slysið hafi átt sér stað upp úr klukkan 11 í morgun. Hafi Schumacher verið með fleirum á ferð, þar á meðal 14 ára syni sínum, er hann féll og rak höfuðið á grjóti.

Skíðafólk í Ölpunum hefur undanfarna daga verið ráðlagt mjög ótvírætt að skíða ekki utan merktra svæða vegna snjóflóðahættu. Staðfest er að Schumacher hafi verið að renna sér utan merktra skíðunarbrauta er hann féll. Lán í óláni var að hann var með hjálm á höfði.

Heimsmeistarinn fyrrverandi í formúlu-1 var fluttur með þyrlu á sjúkrahús í Grenoble þar sem hann hefur verið undir læknishöndum í dag.

Þyrlan sem flutti Schumacher á háskólasjúkrahúsið i Grenoble á lendingarpalli við spítalann. mbl.is/afp

Tengdar fréttir

Schumacher

Schumacher á sjúkrahúsi í París

• Schumacher 50 ára — ástandið enn óljóst
• Schumacher enn að berjast
• Schumacher sagður á förum vestur
• Ástand Schumacher áfram óljóst

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: "Skíðun", fráleitt nýyrði.