Berger aðstoðar Rosberg
Setja bókamerki
Gerehard Berger, austurríski ökumaðurinn fyrrverandi, staðfestir að hann komi fram fyrir hönd Nico Rosberg í samningaviðræðum við Mercedesliðið.
Freistar Berger þess að endurnýja samning Rosberg við Mercedes og segir ekki önnur lið inni í myndinni sem stendur.
Berger keppti á sínum tíma fyrir ATS, Arrows, Benetton, Ferrari og McLaren í formúlu-1. Tók hann samningaverkefnið að sér svo Rosberg geti einbeitt sér að keppninni um heimsmeistaratitil ökumanna.
„Þetta var mjög einfalt mál fyrir mig. Ég hef þekkt Nico frá því hann var lítill strákur. Ég keppti gegn pabba hans Keke árum saman. Þeir feðgar höfðu samband í síðustu viku og spurðu hvort ég gæti gert þeim þann greiða að ná nýjum samningi fyrir Nico því hann vildi geta einbeitt sér að titilslagnum. „Auðvitað“ sagði ég um vinargreiðann,“ segir Berger á opinberri heimasíðu formúlu-1.
Rosberg hefur að undanförnu verið bendlaður við Ferrari á næsta ári en Berger leggur mikla áherslu á að takmarkið sé að ná nýjum samningi við Mercedes. „Aðilar málsins skilja hvorn annan: Mercedes vill halda í Nico og hann vill vera áfram hjá Mercedes.“
Magnús Tumi: Gýs líklega á næstu dögum
Þurfa að taka myndir áður en goslokum er lýst yfir
Hvernig er vitað að þessi kona átti þetta barn?
Allar líkur á að Seðlabankinn lækki næst vexti
„Miklar líkur á rýmingu á næstu sólarhringum“
Vannýtt alþjóðleg tækifæri í heilbrigðiskerfinu
Eldgosinu lokið en getum búist við öðru
Var sofandi þegar slökkvilið bar að garði
