Max Verstappen (1:36,766) setti rétt í þessu besta tímann á lokaæfingunni fyrir tímatökuna sem fram fer í Austin í Texas í kvöld. Næsthraðst fór liðsfélagi hans hjá Red Bull, Daniel Ricciardo (1:37,032) og þriðja tímann átti Kimi Räikkönen hjá Ferrari (1:37,284).
Ökumenn Mercedes létu það eiga sig að aka á mjúku dekkjunum en voru engu að síður nálægt toppsætunum. Lewis Hamilton átti fjórða besta tímann (1:37,483) og Nico Rosberg þann fimmta besta (1:37,784).
Fyrsta tuginn á lista yfir hröðustu hringi fylltu - í þessari röð - Sebastian Vettel hjá Ferrari, Nico Hülkenberg hjá Force India, Valtteri Bottas hjá Williams og þeir Jenson Button og Fernando Alonso hjá McLaren. Var sá síðastnefndi 1,7 sekúndum lengur með hringinn en Verstappen.