Fernando Alonso spreytti sig í dag á nýrri bílgerð, sem hann hefur ekki ekið áður. Var þar um að ræða Toyota keppnisbíl eins og brúkaður er í sólarhringskappakstrinum í Le Mans.
Aksturinn fór fram í Sakhir-brautinni í Barein en þar lauk vertíð þolkappakstursmanna um helgina. Alls lagði Alonso að baki 115 hringi á LMP1-bílnum.
Fyrir hádegi ók Alonso 37 hringi í átta og níu hringja lotum og mældist sá hraðast 1:43,709 mínútur. Síðdegis hélt hann áfram og bætti sinn besta tíma í 1:43,013 mín.
„Frábær dagur, að prófa LMP1 bíl er áhugavert fyrir sérhvern kappakstursmann því þessir bílar eru dásmlegir að aka. Þeir eru mjög stöðugir aksturinn út í gegn sem er jákvætt. Mig hefur lengi langað til að prófa svona bíl. Það rættist í dag og ég er því ánægður,“ sagði Alonso.
Alonso var 2,7 sekúndum frá besta brautartíma dagsins en han setti Timo Bernhard á Porsche.