Björgólfur Takefusa samdi við KR

Knattspyrnumaðurinn knái, Björgólfur Takefusa, hefur samið við KR út næsta keppnistímabil, að sögn Rúnars Kristinssonar, yfirmanns knattspyrnumála félagsins. Þá mun markvörðurinn Stefán Logi Magnússon einnig spila með liðinu á næstu leiktíð, en Lilleström í Noregi hafði áður sýnt honum áhuga.

Björgólfur hóf æfingar með KR fyrir um mánuði síðan, örlítið síðar en aðrir leikmenn. Af þeim sökum var framtíð leikmannsins sögð í óvissu og jafnvel talið að hann ætlaði sér að taka frí frá knattspyrnu um ókominn tíma. En samkvæmt Rúnari Kristinssyni, verður hann í herbúðum KR að minnsta kosti til loka næsta keppnistímabils.

Björgólfur hefur sannað sig sem einn skæðasti markaskorari landsins, gerði 17 mörk í fyrrasumar fyrir KR, og hirti markakóngstitilinn 2003 með Þrótturum.

Stefán Logi á enn tvö ár eftir af sínum samningi, en ekkert varð úr því að hann færi til Lilleström, sem höfðu sýnt leikmanninum áhuga.

• 1 blogg um fréttina

Bloggað um fréttina

• S. Lúther Gestsson: Stórveldið tekur á sig mynd.