Tveir leikir fóru fram í kvöld í 1. deild karla í fótbolta. Á Akranesi áttust við ÍA og Leiknir úr Reykjavík, og þar hafði Leiknir betur, 1:0. Liðið er í efsta sæti deildarinnar með 31 stig. ÍR og HK áttust við á heimavelli ÍR-inga, og þar lauk leiknum með 2:1 sigri ÍR. Fylgst var með gangi mála í leikjum kvöldsins í textalýsingu á mbl.is.
ÍA - Leiknir 0:1 - leik lokið
Kjartan Andri Baldvinsson 52. Rautt spjald: Andri Geir Alexandersson ÍA 55.
ÍR - HK 2:1 - leik lokið
Björn Viðar Ásbjörnsson 29., Elías Ingi Árnason 83. - Samúel Arnar Kjartansson 90.
20.55: Leiknum er lokið í Breiðholti með 2.1 sigri ÍR.
20.54: Leiknum er lokið á Akranesi með 1:0 sigri Leiknis.
20.50. MARK !!! Samúel Arnar Kjartansson skorar fyrir HK eftir sendingu frá Birgi Magnússyni..
20.48. Leiknismenn voru nálægt því að skora á ný. Heimir Einarsson bjargaði á marklínu eftir skot frá Fannari Þór Arnarssyni.
20:42.MARK!!! Elías Ingi Árnason skorar fyrir ÍR eftir hornspyrnu á 83. mín. Fyrsta færi ÍR í síðari hálfleik og Elías skoraði með skoti úr miðjum vítateig eftir að HK hafði mistekist að hreinsa frá markinu.
20:38: Það eru um tíu mínútur eftir af leik ÍA og Leiknis. Það er ekkert að gerast í sóknarleik ÍA og Leiknismenn virðast vera að landa þremur stigum.
20.28. Síðari hálfleikur er hálfnaður í Breiðholtinu og ÍR-ingar eiga í vök að verjast. HK hefur sótt mun meira og heimamenn hafa varla fengi færi.
20:12: Rautt spjald: Örvar Sær Gíslason dómari rekur Andra Geir Alexandersson varnarmann ÍA útaf. Beint rautt fyrir að brjóta á sóknarmanni sem var sloppinn í gegn.
20.10: MARK!!! Leiknir fékk horn frá hægri. Kjartan Andri Baldvinsson tók hornspyrnuna með vinstri fæti og boltinn fór inn á markteiginn, í gegnum alla þvöguna og í fjærhornið.
20.03: Kjartan Andri Baldvinsson á þrumuskot að marki ÍA úr aukaspyrnu. Páll Gísli varði vel. Veðrið á Akranesi er í einu orði sagt ömurlegt og menn færu ekki einu sinni í golf í þessu veðri.
20.00 ÍR sóttu mun meira undir lok fyrri hálfleiks gegn HK á heimavelli.
19.42: Bæði ÍA og Leiknir hafa átt fín færi á undanförnum mínútum. Gunnar Einarsson varnarmaður Leiknis bjargaði sínu liði meistaralega með því að kasta sér fyrir skot frá Ragnari Leóssyni.
19.29: MARK!!! Björn Viðar Ásbjörnsson skorar fyrir ÍR með skoti af stuttu færi eftir hornspyrnu. HK bjargaði á línu og Björn náði frákastinu og skoraði - gegn gangi leiksins.
19.28: Úr Breiðholtinu er það að frétta að HK hefur sótt án afláts gegn ÍR á útivelli án þess skora. HK hefur átt 4-5 marktækifæri þegar 29 mínútur eru liðnar af leiknum.
19.27: Helgi Pétur Jóhannsson átti fínan skalla að marki ÍA. Páll Gísli varði. Gestirnir úr Breiðholtinu eru miklu betri og Skagamenn eru bara heppnir að hafa ekki fengið á sig mark.
19.25: Leiknismenn halda áfram að sækja af krafti gegn vindinum í átt að Akraneshöllinni. Skagamenn hafa átt í vandræðum í varnarleiknum en átt eina og eina skyndisókn.
19.15 Leiknir hefur sótt mun meira gegn ÍA þegar fimmtán mínútur eru liðnar. Veðrið á Akranesi er ekki gott. Rok og mikil rigning.
Byrjunarlið ÍA: Páll
Gísli Jónsson – Aron Ýmir Pétursson, Heimir Einarsson, Andri Júlíusson, Ragnar
Leósson, Arnar Már Guðjónsson, Guðmundur Böðvar Guðjónsson, Einar Logi
Einarsson, Andri Geir Alexandersson, Andri Adolphsson, Gary Martin. Varamenn:
Ísleifur Guðmundsson, Hjörtur Hjartarson, Árni Ólafsson, Ólafur Valur
Valdimarsson, Ragnar Þór Gunnarsson.
Byrjunarlið Leiknis: Halldór Kristinn Halldórsson, Kristján Jónsson, Aron Daníelsson, Fannar Þór Almarsson, Brynjar Hlöðversson, Kjartan Andri Baldvinsson, Helgi Pétur Jóhannsson, Eyjólfur Tómasson, Gunnar Einarsson, Vigfús Arnar Jósepsson, Steinarr Guðmundsson. Varamenn: Ólafur Hrannar Kristjánsson, Gestur Ingi Harðarson, Óttar Bjarni Guðmundsson, Hilmar Árni Halldórsson, Brynjar Benediktsson.