Michel Platini, forseti Knattspyrnusambands Evrópu, hrósaði U21 landsliði Íslands í knattspyrnu karla, þegar hann hitti Katrínu Jakobsdóttur, menntamálaráðherra, og Geir Þorsteinsson, forseta Knattspyrnusambands Íslands, á fundi í Reykjavík í gærkvöldi. Liðið tryggði sér nýlega sæti í úrslitum Evrópumótsins í þessum aldursflokki.
Á vef evrópska knattspyrnusambandsins kemur fram, að Platini hafi mætt á þjálfaranámskeið í Reykjavík og skoðað leikvanginn í Laugardal og Fífuna og Kórinn í Kópavogi. Platini ræddi þar við unga knattspyrnumenn og gaf eiginhandaráritanir.