Gary Martin úr ÍA var kjörinn besti leikmaðurinn í 1. deild karla í knattspyrnu og Ásgeir Þór Magnússon markvörður Hattar var kjörinn bestur í 2. deild karla í kjöri sem vefmiðillinn Fótbolti.net gekkst fyrir og birti niðurstöður úr í gærkvöld.
Það voru þjálfarar og fyrirliðanna í deildunum sem greiddu atkvæði í kjörinu.
Martin, sem er 21 árs gamall Englendingur, skoraði 9 mörk í 16 leikjum með Skagamönnum en var síðan lánaður seint í ágúst til danska 1. deildarliðsins Hjörring.
Þórður Þórðarson úr ÍA var kjörinn þjálfari ársins í 1. deildinni og efnilegasti leikmaðurinn var kjörinn Jón Daði Böðvarsson frá Selfossi. Skagamenn unnu deildina og Selfyssingar fylgdu þeim upp. Jón Daði, sem er 19 ára, skoraði 7 mörk fyrir Selfyssinga.
Sjá nánar um kjörið og lið ársins í 1. deild karla.
Ásgeir Þór er tvítugur markvörður og lék sinn fyrsta leik með 21-árs landsliðinu gegn Noregi í haust.
Eysteinn Hauksson úr Hetti var kjörinn þjálfari ársins í 2. deildinni og efnilegasti leikmaðurinn var kjörinn Andri Fannar Freysson úr Njarðvík. Höttur vann sér sæti í 1. deild í fyrsta skipti og Andri, sem er 18 ára gamall, skoraði 17 mörk fyrir lið Njarðvíkinga.