Philipp Lahm fyrirliði Þýskalands- og Evrópumeistara Bayern München segir að liðið eigi góða möguleika á að komast í úrslitaleikinn í Meistaradeildinni þrátt fyrir 1:0 tap gegn Real Madrid í fyrri viðureign liðanna í undanúrslitum Meistaradeildarinnar í kvöld.
Leikurinn komst aldrei á neitt flug en það var Frakkinn Karim Benzema sem skoraði eina mark leiksins í fyrri hálfleik.
„Við höfum alla möguleika á vinna seinni leikinn með tveggja marka mun á okkar heimavelli,“ sagði hinn 30 ára gamli Lahm, sem lék á miðjunni með Bæjurum í kvöld.
„Ég hef góða tilfinningu fyrir leiknum í München í næstu viku. Okkur skorti smá heppni í leiknum í kvöld og að að búa eitthvað til í sókninni en það kemur í seinn leiknum,“ sagði Lahm.