Hollendingar og Tyrkir gerðu 1:1 jafntefli á Amsterdam Arena leikvanginum í Amsterdam í kvöld í riðli okkar Íslendinga.
Burak Yilmaz kom Tyrkjum yfir á 37. mínútu leiksins og það stefndi allt í þetta yrði sigurmarkið en á þriðju mínútu í uppbótartíma jafnaði Klaas-Jan Huntelaar metin fyrir Hollendinga þegar skot frá Wesley Snejder fór í hann og inn.
Eftir leiki dagsins eru Tékkar efstir í riðlinum með 13 stig, Íslendingar 12, Hollendingar 7, Tyrkir 5, Lettar 3 og Kasakar 1 stig.
Næsti leikur Íslendinga í riðlinum er heimaleikur gegn Tékkum föstudaginn 12. júní.