Eins og fram kom í gær mun Ísland eiga fulltrúa í hópi þeirra barna sem leiða leikmenn Hollands og Íslands inn á Amsterdam Arena í kvöld, í stórleiknum í A-riðli undankeppni EM karla í knattspyrnu.
Strákurinn heitir Gunnar Eggink og er átta ára gamall, búsettur í Hollandi. Gunnar á íslenska móður, Helgu Garðarsdóttur, og hollenskan föður.
Hluti af undirbúningnum hjá Gunnari fyrir kvöldið hefur falist í því að læra íslenska þjóðsönginn, svo hann geti tekið undir með strákunum í íslenska landsliðinu og þeim 3-4 þúsund íslensku áhorfendum sem verða á vellinum. Hollensk sjónvarpsstöð hefur fylgt Gunnari og fjölskyldu hans eftir í dag og birti myndbrot af söngæfingum dagsins:
VIDEO - Gunnar mag vanavond ook nog t veld op met de spelers #NedIJs Moet ie t IJsl. volkslied wél ff oefenen. #hvnl pic.twitter.com/oPmTmsBtoK
— Esther Monsma (@EstherHVNL) September 3, 2015