Eggert Gunnþór Jónsson skoraði sitt fyrsta mark fyrir enska C-deildarliðið Fleetwood Town þegar liðið lagði Millwall, 2:1, í nítjándu umferð deildarinnar í kvöld.
Eftir markalausan fyrri hálfleik var það Eggert sem kom sínum mönnum á blað með skalla á 66. mínútu eftir undirbúning Tarique Fosu, en liðið hafði haft nokkra yfirburði í leiknum fram að markinu. Bobby Grant bætti svo við marki fyrir Fleetwood þegar tvær mínútur voru eftir, áður en Millwall minnkaði muninn í uppbótartíma. Lokatölur 2:1.
Fleetwood hefur gengið illa í C-deildinni, en liðið er í sautjándasæti af 24 liðum með 21 stig, tveimur stigum fyrir ofan fallsvæðið. Liðið hefur hins vegar nú unnið tvo leiki í röð og híft sig upp um ein fimm sæti á fjórum dögum. Eggert hefur verið valinn maður leiksins í báðum þessum leikjum.
GOAAAAAAAALLLLLLLLLLLLLLLLL!! @EggertJonsson4 gets his first goal for the Club with a great back post header! GET IN pic.twitter.com/uta6ZlhcIV
— Fleetwood Town FC (@ftfc) November 24, 2015