Heimasíða UEFA stendur fyrir kosningu á besta liði sögunnar skipuðu leikmönnum sem leikið hafa í lokakeppni EM.
UEFA hefur valið þá 50 leikmenn sem koma til greina í liðið og lesendur síðunnar geta síðan stillt upp sínu eigin draumaliði.
Lars Lagerbäck, landsliðsþjálfari íslenska karlalandsliðsins í knattspyrnu, hefur valið sitt draumalið. Lars stillir liði sínu að sjálfsögðu upp í leikkerfið 4:4:2, en lið sænska þjálfarans er þannig skipað:
Markvörður: Gianluigi Buffon
Vörn: Philipp Lahm, Carles Puyol, Lilian Thuram, Paolo Maldini
Miðja: Cristiano Ronaldo, Xavi, Andres Iniesta, Zinedine Zidane.
Sókn: Pavel Nedved, Marco van Basten.