Landsliðsmaðurinn Viðar Örn Kjartansson fór á kostum og skoraði öll mörk Maccabi Tel Aviv þegar liðið sigraði Shmona 3:0 í ísraelsku úrvalsdeildinni í knattspyrnu í kvöld.
Viðar Örn er markahæstur í deildinni með 14 mörk en Maccabi er í öðru sæti, tveimur stigum á eftir Hapoel Be'er Sheva sem á leik til góða.
Match Report: It's all Vidar! Kjartansson scores 3 in Maccabi Tel Aviv's 3:0 win over Kiryat Shemona! https://t.co/04pvwjujjt pic.twitter.com/PbtJPplxTC
— Maccabi Tel-Aviv (@MaccabiTLVFC) February 18, 2017
Viðar skoraði fyrsta markið í uppbótartíma fyrri hálfleiks og staðan því 1:0 að fyrri hálfleik loknum. Annað markið skoraði hann á 68. mínútu og það þriðja átta mínútum fyrir leikslok. Hann fékk svo heiðursskiptingu á 89. mínútu.